COMU LU FOCU
“Comu lu focu brucia ciò chi lu focu poti bruciari
Accussì sulu cu avj cori poti amari
E jò vampa sugnu onni vota chi ti talìu
E comu lu focu quannu brucia, l’aria mi manca
Ma stu focu di l’aria nun avj bisognu
Nenti ponnu acqua e tera
Filed under: Sicilia | 1 Commento »
Lu ventu è l’amuri
Un “Ventu” angariusu t’attravirsò
tuculiannu lu to corpu, stuccannulu;
e ccu puru ca ppi iddu eri ‘n-panneddu
la so forza dintra a lu to cori si cunciliò.
Appujatu a na cerza
a latu di ‘n-duci vadduneddu,
estasiatu di li ciuri e li prufumi
ca lu pinzeru produci,
cantò li so’ sirinati paroli duci
di lu mistèriu d’amuri…
Filed under: Sicilia | Nessun Commento »
Stizza
Si’ tu fussi stizza di lacrima
l’arsura di lu me cori vivissi
linfa ca vagna e ca duna vita.
Si’ tu fussi stizza di mari
dassi sapuri a la me nuda peddi
e mi stracanciassi nta spicchiu di unna.
Si’ tu fussi stizza di sangu
di rubinu culuri, ju fussi focu ardenti,
lava cucenti, cori ca batti e ca nun menti…
Ma tu nun sì…
Nun sì stizza,
lacrima,
mari,
sangu,
sulu jelida apparenzia,
trapuleri
sibillinu misteru senza passiuni,
sdilliriusu disìu
ca ti cridi fimmina sùpira
a lu me aurusu rifugiu d’amuri.
Filed under: Sicilia | Nessun Commento »
